الشروط والأحكام
آخر تحديث: 18 أكتوبر 2026
باستخدامك Apexfy أو فتحك متجر عليها بتوافق على الشروط دي.
الحساب والاشتراك
- كل متجر جديد بياخد تجربة مجانية 14 يوم، وبعدها الاشتراك 149 ج.م في الشهر (أو مدة أطول بالدفع مقدّمًا).
- لو الاشتراك ماتجدّدش بنديك مهلة 7 أيام، وبعدها المتجر بيقف عن استقبال الطلبات لحد ما يتجدّد — من غير ما بياناتك تتمسح.
- مابناخدش عمولة على مبيعات منتجاتك.
- إنت مسؤول عن صحة بيانات حسابك وعن أي حد بتديله صلاحية على متجرك.
المحتوى والمنتجات
- ممنوع بيع أي منتج مخالف للقانون المصري، أو مقلّد، أو أدوية من غير ترخيص، أو أي محتوى مسيء.
- إنت مسؤول عن منتجاتك وأسعارها وصورها ووصفها، وعن التزامك بقانون حماية المستهلك رقم 181 لسنة 2018 (ومنه حق الاسترجاع خلال 14 يوم).
- من حقنا نوقف أي متجر بيخالف الشروط بعد إخطاره.
برنامج منتجات الجملة من Apex
- في منتجات الجملة، Apex هي البايع للزبون: بتجهّز الطلب وتشحنه وتحصّل قيمته، والتاجر بيحدد سعر البيع (مش أقل من الحد الأدنى) وبياخد الفرق.
- التاجر لازم يأكد الطلب مع الزبون قبل ما يتحوّل لـ Apex.
- الربح بيتسجّل في محفظة التاجر بعد التسليم، وبيفضل معلّق لحد ما فترة الاسترجاع تخلص، وبعدها يقدر يسحبه بالحد الأدنى المعلن.
- تكلفة شحن الطلبات المرتجعة بتتخصم من رصيد التاجر.
المسؤولية
بنبذل أقصى جهد عشان المنصة تفضل شغالة وآمنة، لكن مسؤوليتنا عن أي ضرر بتكون في حدود قيمة اشتراك آخر شهر. بنقدر نعدّل الشروط دي، وهنبلّغك بأي تعديل مهم قبلها.
التواصل
أي سؤال: info@apexfy.store أو واتساب 01050780807.